جرین اِستین بگرنداتین

رگامان ترمپ بگوارینتین

ببات سبزوگل و گلزار

بهار سبزین بیایاتین

یه هشک وتا هاپین کوءران

مدام سبز آپ برمباتین

زری نودان بشننزاتنت

صباحی کوش بکشاتین

شِنک تندان رمگ بندان

شپانک شیزاران رنداتین

خمار چمان بزی شیران

په دیز مستگ ببادینتین

سکان سبزین نمازیگین

شپانی عمر بگوازینتین

تگرد و کرزین لوگانی

کشیگ برزاد بلانچینتین

پدا بیا یاتنت دهر پیشی

بلوچ کوهان بلّداتین

چه شهری زندا نادراهین

برّکات و بچتاتین

نکنت عزت پت و ماتا

چشین چک درس موانینتین

چه یه علم و یه تعلیما

هما شرّ بز بچارینتین

مزن کن پاگ و ریشان دراج

حرام وارت لاپ بتّرکاتین

رسولی سنّتان زندگ

گنوک شالا مدام باتین

امام ورهبر و ملا

په دنیا لانک ببنداتین

تمام دنیا یا اسلام بات

دگه دینی مبچاتین

چتور وشّ ات ایه دکالا

خدایا هور بگوارینتین

شیشلو شالوّان چکیگان

رچانا ترمپ ایر اتین

پدا صابر بلوچانی

گلین باندات بیایاتین

مدام په چکّاسگ و پر کگ

برات سوبا بکتاتین

شعر از حاج صابر رئیسی -عزیز آباد قصر قند